Estadio Berria 2019an hasi zen itxura hartzen, esparru sozialagoan egindako lanei esker. Agora plaza eta Working Estadio guztiok erabiltzen ditugun gune bi dira. Espazio horiek instalazioen zerbitzuak aberastu dituzte.
Estadio Berriaren lehen faseak tenis pista nagusi berri bat ekarriko du. Futbol zelaiaren eta tranpolin igerilekuaren artean kokatuta, gure instalazioetako pista handiena izango da. Supersoft erretxinazkoa izango da pista, Nazioarteko Tenis Federazioak probatua eta 4ko abiadura du (ertain-azkarra). Azkenik, pista horren argiztapena LED bidez egingo da.
Tenis pista nagusi berriak txapelketa nazionalak hartzeko indarrean dagoen araudia beteko du. Gainera, lehiaketetarako harmailak jartzea ahalbidetuko du.
Fase hau 2021eko azaroan hasi eta 2022ko martxoan amai dadila aurreikusi da.
Azken hilabete hauetan Estadio Berriaren lehen emaitzez gozatu ahal izan dugu. Gure 60 urte baino gehiagoko bizitzan egiten ari garen gure kirol eta gizarte instalazioen berrikuntza integraleko prozesurik garrantzitsuena da lan hori. Tenis pista estali berria izan da lan horietako azkena. Baina, esaten ari gintzaizkizuenez, hau hasiera besterik ez da. II. fasea abian da eta lanak 2023ko udarako amaituta egongo dira.
Kirol-azalera handitu egingo da, 1.600 metro karratu baino gehiagoko barne-azalera hartuko duen jarduera-gela gunea egingo da, estalkiak, bestalde, 800 m2-ko azalera izango du eta energia garbia sortzeko nahiz girotzeko makinak kokatzeko erabiliko da. Gaur egun dagoen trinketeko eraikinari atxikita egongo da, eta modu eraginkorrean eta klimatizatuan lotuko da igerileku eta aldagelen eraikin nagusiarekin.
Sortuko den eraikin-multzo berriak 5 jarduera-areto berri izango ditu honako hauetarako: HIIT, intentsitate handiko tartekako entrenamendua, hala nola kardioa, indarra, boxeoa (330m2), spinning-a (330m2), yoga (330m2), pilates-a (330m2) eta erabilera anitzeko gela (500m2).
800 metro karratuko estalkia plaka fotovoltaikoz josita egongo da, besteak beste, eraikin berria energetikoki jasangarria izan dadin laguntzeko. Hori guztia, egungo kirol-pista estalian eta trikotean bertan mantentzen den jarduera elkartua eta bizia ahaztu gabe.
Pasabidetik sarbide zuzena izango duten spinning eta HIIT aretoek zarata xurgatzeko bereziki tratatutako hormak eta sabaiak izango dituzte, aldameneko gelei traba egin ez dakien.
Horietako lehenengoak anfiteatro itxura izango du, eta musikaren erritmoan pedalei eragiteko giro murgiltzailea eman nahi izan zaio, irakasle-erabiltzaile konexioa erabatekoa izan dadin pantailei, ikus-entzunezko efektuei eta akustika zainduari esker.
II. fase honetan bertan, lehendik dagoen eraikinak ere birmoldaketa ikusgarria jasango du, baina trinketa eta beheko solairuko kiroldegia bere horretan utziko dira. Lau areto txikiak eraldatu eta 500 m2-ko handi bakarra izango dira, hartara, 100 pertsona ere sar litezke bertan jarduerak egiten.
Areto berri guztietan garrantzi berezia emango zaio airea berritzeari, airearen kalitatea bermatzeko. Proiektuak klimatizazio eta berritze sistema independenteak aurreikusi ditu jarduera gela bakoitzerako.
Lehenengo fasean egin zen bezala, jardueren garapena eta gure instalazioetako erabiltzaileen erosotasuna ahalik eta gutxien oztopatzeko aurreikusita daude obrak. Kasu honetan, lanen jarduketa-eremuak Estadioaren kanpoaldearekin muga egiten duenez, ez dugu materialik mugitu beharko abonatuen erabilera-eremuetatik.
Estadio Berriaren azken fasearen ardatza eraikin nagusiaren eraberritze osoa izango da. Horrek bi igerileku berri izango ditu, gainezka egiten duen 25 metroko lamina eta argi naturala dutenak.
Gainera, 100 metro koadrotik gorako lamina duen spa bat izango dugu, sauna, bainu turkiarra eta kontraste-dutxak izateaz gain. Hortaz, Euskadiko spa handiena izango da. Eta igerilekuek bezala, argi naturala izango du.
Aldagelak guztiz berrituko dira. Emakume, gizon eta familientzat pentsatuta, zentralizatuta egongo dira eta askoz erosoagoak izango dira.
Gainera:
- 200 metro koadroko eremu berri bat izango dugu, entrenamendu funtzionalerako.
- Kanpoko kirol-terraza berri bat
- Irisgarritasuna hobetuko duten 2 igogailu berri eta eskailerak
3. fasean egingo diren ekintzak 2023ko apirilean hasi eta 2024an amaituko dira.